Saturday, January 22, 2011

Wees gewaarsku, ek’s nog n Afrikaner!

"Take a Dutchman, the kind of Dutchman that fought against all the might of Spain, intermix him with the inflexible French high notes. Take him through 8 generations of war; put him in a country suitable for the huntsman, marksman and rider. Put a finer temper in him through the Bible, and you get an Afrikaner. A nation so strong that it took the British Empire 191 000 000 pounds, 3 years and 480 000 soldiers to conquer the 2 poorest, smallest states in the world."

Terwyl ek laat een aand myself opsetlik laat verdwaal op die Internet kom ek af op die boonste aanhaling. Onbewustelik het my fingers stil geraak en my gedagtes het op loop gegaan agter n skerm sonder enige beweging, terwyl ek probeer identifiseer waar in die afgelope twee generasies van Afrikaners dinge so verkeerd gegaan het met my volk. Dit was in dieselfde week dat ek moes sien hoe blanke mense in my gemeenskap onaanvaarbare dienslewering wat grens aan bedrog in stilswye aanvaar. As dit nou dienslewering was vanaf die munisipaliteit of regering dan was ek dalk nie so geskok nie, maar dit was vanaf n prominente blanke man in die gemeenskap.

Die vraag; ‘Do you not have any honor?’ kan gerig word aan beide die gemeenskap en die enkel persoon. Het ons as n volk en nasie so gewoond geraak aan bedrog en skelmgeid om ons dat ons dit nou aan mekaar begin doen? Het die afgelope dekade of twee ons so gewoond gemaak aan verlaagte standaarde en kriminele dade dat ons dit nou maar net aanvaar, want af uit die paar oe op die kantlyn is dit die gevolgtrekking waartoe ek kom. Is ons besig om te vergeet wie en wat ons is terwyl ons wereld om ons vernoem word, ons standbeelde nuwe betekenisse gegee word en ons daagliks uitgemoor word op plase? Vir hoe lank nog moet ons betaal en ly vir n oomblik van swakheid in die verlede?

Die reenboog kleure van die nuwe Suid Afrika het ongetwyfeld die murg in die bene van die Afrikaner nasie afgewater tot a punt waar ek nou n lyn wil trek en moet se aan my medemens: ‘Wees gewaarsku, ek’s nog n Afrikaner!’ Nie die tiepe man met n bree hoed wat al-wat-nie-wit is nie in n ander bloedgroep wil inklap nie, maar die tiepe man vir wie daar n reg en verkeerd is, met geen grys areas tussenin nie, en wat nie in stilswye, dade en omstandighede sal aanvaar nie.

Die oomblik van swakheid in die geskiedenis van my volk was nie alleeenlik die dade van rassisme gewees nie, maar eerder die dag toe ons leiers die land wat deur ons Vader aan ons gegee was, weg gegee het. Ek het aanskou hoe alles van godsdiens tot staatsdiens afbreek om my, ek het aanskou hoe die woorde van ‘Kill the Boer’ oorgeskakel word in dade en toegesmeer word. As n volk en nasie was ons nou naak gemaak tot n punt waar alles wat vir ons heilig en mooi was nie meer daar is nie terwyl n nuwe jong geslag van Afrikaners nou groot word in a land waar hulle nie meer hulle eie geskiedenis ken of geleer word nie. Word ons nou beproef, getoets of getugtig?

Binne die grense van my eie huis en lewe handhaaf en leer ek my kinders respek, dissipliene, liefde en morele waardes en standaarde van my voorvaders en nie die van die samelewing om my nie. Dieselfde samelewing en gemeenskap wat se ek mag nie aan my kinders slaan nie. Wel, die Bybel en my ouers het my geleer ‘tugtig die wat jy liefhet ‘, en ondervinding het my nou geleer dat dit gedoen word om te verseker as volwasse mens jy nie optree soos die prominente blanke man in ons gemeenskap nie.

Soos die uur hand op die houd horlosie in die sitkamer stadig en konstant nadertik na die begin van n nuwe dag, so vind ek die beweging in my vingers het teruggekom, en die klank van masjien gewere in my kop is vervang deur die ritmiese gemars van my vingers oor my keyboard. Hoor nou my lied ...

Ek is nie n lafaard nie, en ek is nie bang nie ….

No comments:

Post a Comment